వారానికి 150 నిమిషాల వ్యాయామంతో ఆయుష్షు పెరుగుతుంది!

ఆరోగ్యాన్ని మెరుగుపరచుకోవడానికి వారానికి సుమారు 150 నిమిషాల వ్యాయామం సరిపోతుందని తాజా పరిశోధనలు సూచిస్తున్నాయి. ఈ స్థాయిలో శారీరక చురుకుదనం పాటించడం వల్ల ముందస్తు మరణ ప్రమాదం గణనీయంగా తగ్గి ఆయుష్షు పెరుగుతుంది. గుండె ఆరోగ్యం, జీవన నాణ్యత మెరుగుపడతాయి. రోజుకు 30 నిమిషాలు, వారంలో 5 రోజులు వ్యాయామం చేయాలని నిపుణులు సిఫార్సు చేశారు. వేగంగా నడక, సైక్లింగ్, ఈత వంటివి మితమైన వ్యాయామాల కిందకు వస్తాయి. అదనంగా వ్యాయామం చేసేవారికి మరిన్ని లాభాలు ఉంటాయని పరిశోధనలు చెబుతున్నాయి.