రైల్వేలో 6,557 ఉద్యోగాలు.. అప్లై చేశారా?

రైల్వే ఉద్యోగాల కోసం ఎదురుచూస్తున్న అభ్యర్థులకు రైల్వే రిక్రూట్‌మెంట్ బోర్డ్ (RRB) శుభవార్త తెలిపింది. దేశవ్యాప్తంగా మొత్తం 6,557 టెక్నీషియన్ పోస్టుల భర్తీకి నోటిఫికేషన్ విడుదల చేసింది. ఇందులో టెక్నీషియన్ గ్రేడ్-I సిగ్నల్‌కు 323 పోస్టులు, టెక్నీషియన్ గ్రేడ్-IIIకు 6,234 పోస్టులు ఉన్నాయి. జూన్ 30 నుంచి ఆన్‌లైన్ దరఖాస్తు ప్రక్రియ ప్రారంభం కాగా, జులై 29 వరకు దరఖాస్తు చేసుకోవచ్చు. కంప్యూటర్ ఆధారిత పరీక్ష (CBT) ద్వారా ఎంపిక జరుగుతుంది. గ్రేడ్-I పోస్టులకు నెలకు రూ.29,200, గ్రేడ్-III పోస్టులకు రూ.19,900 ప్రారంభ వేతనంతో పాటు ప్రభుత్వ భత్యాలు అందుతాయి.