అల్లు అర్జున్ 'రాకా' ఫస్ట్ లుక్‍పై నెట్టింట ట్రోల్స్

ఐకాన్ స్టార్ అల్లు అర్జున్, డైరెక్టర్ అట్లీ కాంబినేషన్‌లో వస్తున్న 'రాకా' సినిమా టైటిల్, ఫస్ట్ లుక్ పోస్టర్ బుధవారం (ఏప్రిల్ 8) విడుదలైంది. పోస్టర్‌లో అల్లు అర్జున్ గుండుతో, తోడేలు కాళ్లలాంటి చేతులతో భయంకరమైన అవతార్‌లో కనిపించారు. అయితే, ఈ లుక్ 2016లో వచ్చిన కార్తీ 'కాష్మోరా'లోని రాజ్‌నాయక్ పాత్రను పోలి ఉందని నెటిజన్లు విమర్శిస్తున్నారు. సుమారు ₹800 కోట్ల బడ్జెట్‌తో తెరకెక్కుతున్న ఈ చిత్రంలో దీపికా పదుకొణె, రష్మిక, జాన్వీ కపూర్, మృణాల్ ఠాకూర్ నటిస్తున్నారు. వచ్చే ఏడాది వేసవిలో విడుదల కానుంది.