రాజస్థాన్‌లోని జుంజును జిల్లాలో ఏడాదిన్నర వయస్సున్న కుమార్తెను ఆమె తండ్రే కిడ్నాప్ చేసిన ఘటన కలకలం రేపింది. భర్త వేధింపులు భరించలేక పుట్టింట్లో ఉంటున్న భార్య వద్ద ఉన్న చిన్నారిని, అక్టోబర్ 9న మధ్యాహ్నం తండ్రి అపహరించాడు. సీసీటీవీలో రికార్డైన ఈ దృశ్యాలు సోషల్ మీడియాలో వైరల్ అయ్యాయి. భర్తపై భార్య ఫిర్యాదు చేయడంతో పోలీసులు కిడ్నాప్ కేసు నమోదు చేసి, తండ్రి కోసం గాలిస్తున్నారు. చిన్నారిని క్షేమంగా కాపాడేందుకు ప్రయత్నిస్తున్నట్లు పోలీసులు తెలిపారు.