జీఎస్టీ తగ్గింపుతో ధరలు తగ్గుతాయని ఎంపీడీఓ వెల్లడి

అల్లూరి జిల్లా అనంతగిరి మండలం కొత్తూరు పంచాయతీలో స్థానిక ఉప సర్పంచ్ గాలి నరసింహమూర్తి (నరేంద్ర) మరియు పంచాయతీ టీడీపీ గ్రామ కమిటీ అధ్యక్షులు దుంబరి కృష్ణ అధ్యక్షతన "జీఎస్టీ, సూపర్ సేవింగ్స్" కార్యక్రమం జరిగింది. ఈ కార్యక్రమానికి ముఖ్య అతిథిగా హాజరైన మండల ఎంపీడీఓ కె. ప్రభాకరావు, కిరాణా షాపులు, టీ టిఫిన్ షాపులు, సచివాలయం సిబ్బందితో మాట్లాడుతూ, కేంద్ర ప్రభుత్వం జీఎస్టీని తగ్గించడం వల్ల అన్ని వస్తువుల ధరలు తగ్గినట్లు తెలిపారు. షాపుల యజమానులు ఈ విషయాన్ని వినియోగదారులకు తెలియజేయాలని సూచించారు. ఈ కార్యక్రమంలో పంచాయతీ ఇంచార్జి కార్యదర్శి పి. ధర్మారావు, పిసా కమిటీ అధ్యక్ష, కార్యదర్శులు పల్లి దొర బాబు, సొంటేరి రాము, వార్డు సభ్యులు గాలి లక్ష్మి, గుద్దెల కృష్ణమూర్తి, ఎన్.ఆర్.జీ.ఎస్. సిబ్బంది, గ్రామస్తులు అధిక సంఖ్యలో పాల్గొన్నారు.