ఉస్మానియా యూనివర్సిటీ పరిధిలోని డిగ్రీ కోర్సుల పరీక్షా ఫీజు స్వీకరణ గడువును పొడగించినట్లు ఓయూ కంట్రోలర్‌ ఆఫ్‌ ది ఎగ్జామినేషన్స్‌ ప్రొఫెసర్‌ శశికాంత్‌ తెలిపారు. బీఏ, బీకామ్‌, బీఎస్సీ, బీబీఏ తదితర కోర్సుల మూడు, అయిదో సెమిస్టర్‌ రెగ్యులర్‌ పరీక్షా ఫీజును ఈ నెల 14వ తేదీ వరకు కళాశాలల్లో చెల్లించవచ్చు. రూ.500 అపరాధ రుసుముతో 17వ తేదీ వరకు చెల్లించే అవకాశం ఉంది. ఈ పరీక్షలను వచ్చే నెలలో నిర్వహించనున్నారు. పూర్తి వివరాలకు ఓయూ వెబ్‌సైట్‌ను సంప్రదించవచ్చు.