అగ్ని ప్రమాదంపై అధికారులతో మాట్లాడిన ఎమ్మెల్యే శిరీషాదేవి

దేవీపట్నం మండలం శరభవరం పంచాయతీ ఉప్పయపాలెంలో అగ్ని ప్రమాదంలో ఇల్లు కాలిపోయి సర్వస్వం కోల్పోయిన మడకం చిన్నమ్మిని రాష్ట్ర ఎస్టీ సంక్షేమ కమిటీ చైర్‌పర్సన్, ఎమ్మెల్యే మిరియాల శిరీషాదేవి శనివారం పరామర్శించారు. బాధితురాలికి రూ. 5 వేల ఆర్థిక సాయంతో పాటు బియ్యం, నిత్యావసర సరుకులు, దుస్తులు అందించారు. నష్టపరిహారం కోసం నివేదిక సమర్పించాలని రెవెన్యూ అధికారులను ఆదేశించారు. ప్రకృతి వైపరీత్యాలపై ప్రజలు అప్రమత్తంగా ఉండాలని ఎమ్మెల్యే సూచించారు. కార్యక్రమంలో టీడీపీ నాయకులు, అధికారులు, కార్యకర్తలు పాల్గొన్నారు.