అనకాపల్లి: మానవత్వం చాటుకున్న పోలీసులు

అనారోగ్యంతో మరణించిన హోంగార్డు డి. వి. వెంకటరావు కుటుంబానికి అనకాపల్లి జిల్లా పోలీసులు అండగా నిలిచారు. తోటి ఉద్యోగి కుటుంబాన్ని ఆదుకోవాలనే సంకల్పంతో అనకాపల్లి, అల్లూరి సీతారామరాజు జిల్లాల హోంగార్డులు తమ ఒకరోజు వేతనాన్ని విరాళంగా ప్రకటించారు. ఈ విధంగా సేకరించిన రూ. 4, 24, 120/- నగదును జిల్లా ఎస్పీ తుహిన్ సిన్హా బుధవారం తన కార్యాలయంలో వెంకటరావు భార్య నీలిమకు అందజేశారు. విధి నిర్వహణలో మరణించిన సిబ్బంది కుటుంబాలకు పోలీసు శాఖ ఎల్లప్పుడూ అండగా ఉంటుందని, తోటి సిబ్బంది చూపిన సామాజిక స్పృహ అభినందనీయమని ఎస్పీ పేర్కొన్నారు.