ఆటో ఢీకొని ముగ్గురికి గాయాలు

చింతపల్లి మండలం గంజిగడ్డ సమీపంలో శనివారం జరిగిన రోడ్డు ప్రమాదంలో జోహార్ గ్రామానికి చెందిన కొర్ర కేశవ్, అతని భార్య జ్యోతి, కుమార్తె మీరా గాయపడ్డారు. ద్విచక్ర వాహనంపై వెళ్తుండగా ఆటో ఢీకొట్టింది. ఈ ప్రమాదంలో కేశవ్ కుడి కాలు విరగగా, జ్యోతి, మీరాలకు గాయాలయ్యాయి. క్షతగాత్రులను మొదట చింతపల్లి ఏరియా ఆసుపత్రికి, ఆపై మెరుగైన చికిత్స కోసం నర్సీపట్నం ఏరియా ఆసుపత్రికి తరలించారు.