గిరిజన క్రీడాకారులకు అత్యాధునిక అకాడమీ: లోతా. రామారావు విజ్ఞప్తి

పోలవరం జిల్లా (రంపచోడవరం) కేంద్రంగా అత్యాధునిక ట్రైబల్ స్పోర్ట్స్ అకాడమీని తక్షణమే ఏర్పాటు చేయాలని ఆదివాసీ గిరిజన సంఘం రాష్ట్ర అధ్యక్షులు లోతా. రామారావు ప్రభుత్వాన్ని కోరారు. గిరిజన ప్రాంతాల నుంచి జాతీయ, అంతర్జాతీయ స్థాయి క్రీడాకారులను తయారు చేసేందుకు ఈ అకాడమీ దోహదపడుతుందని ఆయన పేర్కొన్నారు. అల్లూరి, కారం. తమ్మన్నా దొర వంటి వారు నడయాడిన ఈ ప్రాంతంలో ఎందరో గిరిజన యువతీ యువకులకు శారీరక దారుఢ్యం, విలువిద్య, పరుగు పందాలు వంటి క్రీడల్లో అద్భుతమైన నైపుణ్యాలున్నాయని, వారికి సరైన శిక్షణ అందిస్తే గొప్ప క్రీడాకారులుగా రాణిస్తారని ఆయన ఆశాభావం వ్యక్తం చేశారు.