గార్లదిన్నెలో గుర్తుతెలియని వ్యక్తి మృతి

గార్లదిన్నె మండలం తిమ్మంపేట గ్రామంలో గుర్తుతెలియని వ్యక్తి మృతి చెందినట్లు పోలీసులు తెలిపారు. రెండు రోజుల క్రితం రోడ్డు పక్కన కనుగొనబడిన ఈ మృతదేహం సుమారు 45 ఏళ్ల వయసున్న మగ వ్యక్తిదని, ప్రస్తుతం అనంతపురం ప్రభుత్వ ఆసుపత్రిలో ఉంచామని ఎస్సై మహమ్మద్ గౌస్ పేర్కొన్నారు. మృతుడి ఆచూకీ తెలిసిన వారు పోలీసులకు సమాచారం అందించాలని ఆయన కోరారు.