అనంతపురం ప్రభుత్వ ఆసుపత్రిలో కుప్పకూలిన వసతి కేంద్రం

అనంతపురంలో ఉరుములు మెరుపులతో కూడిన భారీ వర్షం కురిసింది. ఈదురు గాలులకు ప్రభుత్వ సర్వజన ఆసుపత్రి ఆవరణలో ఉన్న వైఎస్ రాజశేఖర్ రెడ్డి సందర్శకుల వసతి కేంద్రం కుప్పకూలింది. వసతి కేంద్రం కింద నిలిపి ఉంచిన బైకులు ధ్వంసమయ్యాయి. అదృష్టవశాత్తు ఆ సమయంలో ఎవరూ లేకపోవడంతో ప్రాణనష్టం తప్పింది. భారీ వర్షం కారణంగా అనేక లోతట్టు ప్రాంతాలు జలమయమయ్యాయి.