తేజ డైరీ కార్మికుల దోపిడీ: ఏపీ ఎమ్మార్పీఎస్ ఆందోళన

ధర్మవరం, బత్తలపల్లి మండలం, లింగారెడ్డిపల్లి సమీపంలోని తేజ డైరీ యాజమాన్యం కార్మిక చట్టాలను ఉల్లంఘిస్తూ, కార్మికులను దోచుకుంటోందని ఏపీ ఎమ్మార్పీఎస్ తీవ్రంగా ఆరోపించింది. ఈ రోజు సోమవారం, ఏపీ ఎమ్మార్పీఎస్ నాయకులు కేసుగాల వెంకటేష్ గారి నాయకత్వంలో ధర్మవరం ఉప సంచాలకుడి (ఆర్‌డి.ఓ) మహేష్ గారికి వినతిపత్రం సమర్పించారు. డైరీలో పనిచేసే కూలీలకు కార్మిక చట్టాల ప్రకారం నెలకు కనీసం 16,000 వేతనం ఇవ్వాల్సి ఉండగా, యాజమాన్యం కేవలం 10,000 నుండి 11,000 మధ్య మాత్రమే చెల్లిస్తూ మిగిలిన మొత్తాన్ని అక్రమంగా స్వాహా చేస్తోందని వెంకటేష్ గారు విమర్శించారు. తక్షణం న్యాయం చేయకపోతే, ఏపీ ఎమ్మార్పీఎస్ ఆధ్వర్యంలో తేజ డైరీ ముందు భారీ స్థాయిలో ఆందోళనలు నిర్వహిస్తామని ఆయన హెచ్చరించారు.