ఊబిచర్ల పాఠశాలలో పదో తరగతి విద్యార్థులందరూ ఫెయిల్!

అనంతపురం జిల్లా గుత్తి మండలంలోని ఊబిచర్ల జడ్పీ ఉన్నత పాఠశాలలో పదో తరగతి విద్యార్థులందరూ పరీక్షల్లో ఫెయిల్ అయ్యారు. ఈ పాఠశాలలో కేవలం నలుగురు విద్యార్థులు మాత్రమే ఉండగా, వారికి బోధించడానికి ఏడుగురు ఉపాధ్యాయులు ఉన్నారు. గురువారం విడుదలైన పదో తరగతి ఫలితాల్లో అందరూ ఫెయిల్ కావడంతో, ఉపాధ్యాయుల బోధనా పద్ధతులపై స్థానికులు తీవ్ర అసంతృప్తి వ్యక్తం చేస్తున్నారు. ఈ సంఘటన ఉపాధ్యాయుల పనితీరుపై ప్రశ్నలను లేవనెత్తుతోంది.