లోపరహిత పట్టాదారు పాస్ పుస్తకాలే ప్రభుత్వ లక్ష్యం... జేసీ

శ్రీ సత్య సాయి జిల్లా జాయింట్ కలెక్టర్ మౌర్య భరద్వాజ్, రైతులకు ఎలాంటి లోపాలు లేని పట్టాదారు పాస్ పుస్తకాలు అందించడమే ప్రభుత్వ ప్రధాన లక్ష్యమని స్పష్టం చేశారు. బుధవారం చిలమత్తూరు మండలం దేమకేతపల్లి గ్రామంలో పర్యటించి, మార్చి నెలలో నిర్వహించనున్న పట్టాదారు పాస్ పుస్తకాల పంపిణీ కార్యక్రమానికి సంబంధించిన ఏర్పాట్లను పరిశీలించారు. ఈ సందర్భంగా పట్టాదారు పాస్ పుస్తకాల డ్రాఫ్ట్‌లను ఆయన జాగ్రత్తగా పరిశీలించారు.