తాడిపత్రి అన్నదమ్ముల అద్భుత స్టంట్స్: రికార్డుల బద్దలు కొట్టేందుకు సిద్ధం

తాడిపత్రికి చెందిన చింత సాయి నరసింహ రెడ్డి (లక్కీ), చింత గౌతమ్ కుమార్ రెడ్డి (విక్కీ) అనే అన్నదమ్ములు జనవరి 4, 2026న జిల్లా స్థాయి ఓపెన్ తైక్వాండో పోటీల్లో భాగంగా హై రిస్క్ స్టంట్ లైవ్ పెర్ఫార్మెన్స్ నిర్వహించనున్నారు. ఒకే చేతితో 100 ఫైర్ టైల్స్ బ్రేకింగ్, శరీరంపై 100 ట్యూబ్ లైట్స్ బ్రేకింగ్ వంటి విన్యాసాలు ప్రదర్శించి, తెలుగు బుక్ ఆఫ్ రికార్డ్స్, ఇంటర్నేషనల్ బుక్ ఆఫ్ రికార్డ్స్, నోబెల్ వరల్డ్ రికార్డ్, సూపర్ కిడ్స్ రికార్డ్స్‌లో స్థానం సాధించాలని లక్ష్యంగా పెట్టుకున్నారు. ఈ ప్రదర్శన తాడిపత్రిలోని లక్ష్మి బాలాజీ ఫంక్షన్ హాల్‌లో ఉదయం 9:30 గంటలకు జరగనుంది. తెలుగు బుక్ ఆఫ్ రికార్డ్స్ కో-ఆర్డినేటర్ యడ్ల వెంకట్ హాజరై లైవ్ రికార్డ్ సర్టిఫికెట్ అందజేస్తారు. ఈ కార్యక్రమం నిపుణుల పర్యవేక్షణలో, తగిన భద్రతా ఏర్పాట్లతో నిర్వహించబడుతుంది.