కదిరిలో ట్రాక్టర్, బైక్ ఢీ.. ఒకరి మృతి

కదిరి మండలంలోని గట్లు వద్ద సోమవారం జరిగిన రోడ్డు ప్రమాదంలో అఫ్టల్ అనే వ్యక్తి అక్కడికక్కడే మృతి చెందాడు. రాంగ్ రూట్లో వస్తున్న ట్రాక్టర్ను మోటార్ సైకిల్ ఢీకొట్టడంతో ఈ దుర్ఘటన చోటుచేసుకుంది. బైక్ నడుపుతున్న షేక్ సల్లాఉద్దీన్ తీవ్ర గాయాలపాలవడంతో అతన్ని అనంతపురం ప్రభుత్వ ఆసుపత్రికి తరలించారు. పోలీసులు ఈ ఘటనపై కేసు నమోదు చేసి దర్యాప్తు చేస్తున్నారు. పూర్తి వివరాలు ఇంకా తెలియాల్సి ఉంది.