దుర్గం: దివ్యాంగురాలికి పింఛన్ ఇవ్వాలని కన్నీటి విజ్ఞప్తి

కళ్యాణదుర్గం పట్టణానికి చెందిన రోజా అనే యువతి రెండు కాళ్లు, చేతులు పడిపోయి, బుద్ధిమాంద్యంతో మంచానికే పరిమితమైంది. 100% వికలాంగత్వంతో బాధపడుతున్న కూతుర్ని పోషించడం భారంగా మారిందని తల్లిదండ్రులు వరలక్ష్మి, మర్రిస్వామి బుధవారం ఆవేదన వ్యక్తం చేశారు. మంచానికే పరిమితమైన వారికి ప్రభుత్వం రూ. 15 వేల పింఛన్ మంజూరు చేసి ఆదుకోవాలని ఎమ్మెల్యే సురేంద్రబాబును, ప్రభుత్వాన్ని కన్నీటితో వేడుకున్నారు.