మడకశిర - Madakasira Mandal

సూపర్ స్టార్ ర‌జినీకాంత్ నటిస్తున్న'జైల‌ర్2' ప్రస్తుతం సినీ వర్గాల్లో హాట్ టాపిక్‌గా మారింది. 2023లో సంచలన విజయం సాధించిన 'జైల‌ర్' సీక్వెల్‌పై అంచనాలు మరింతగా పెరిగాయి. దర్శకుడు నెల్సన్ దిలీప్ కుమార్ ఈ సీక్వెల్‌ను మరింత భారీ స్థాయిలో ప్లాన్ చేస్తున్నట్టు తెలుస్తోంది. ముఖ్యంగా, బాలీవుడ్ బాద్‌షా షారుఖ్ ఖాన్ ఒక కీలక కామియో పాత్రలో కనిపించనున్నారనే వార్త సినీ వర్గాల్లో చర్చనీయాంశమైంది. ఆయన ఈ సినిమాలో ఓ పోలీస్ ఆఫీసర్ పాత్రలో కనిపించే అవకాశం ఉందని, ఎస్‌.జె సూర్య‌తో కలిసి కొన్ని కీలక సన్నివేశాల్లో నటించనున్నారని ప్రచారం జరుగుతోంది. ఈ కాంబినేషన్ నార్త్, సౌత్ సినీ ప్రేక్షకులను ఆకట్టుకుంటుందని అభిమానులు భావిస్తున్నారు.