వైయస్ జగన్మోహన్ రెడ్డి పై మంత్రి సవితా ఫైర్

రాయలసీమ లిఫ్ట్ ఇరిగేషన్ ప్రాజెక్టు నిలిచిపోవడానికి వైఎస్ జగన్మోహన్ రెడ్డినే ప్రధాన కారణమని రాష్ట్ర బీసీ సంక్షేమ శాఖ మంత్రి సవిత ఆరోపించారు. సోమవారం పెనుకొండలో మంత్రి మాట్లాడుతూ, 2014-19 మధ్య కాలంలో రాయలసీమ తాగునీటి ప్రాజెక్టులకు రూ. 12,441 కోట్లు ఖర్చు చేస్తే, జగన్ హయాంలో కేవలం రూ. 2,011 కోట్లు మాత్రమే ఖర్చు చేశారని తెలిపారు. కూటమి అధికారంలోకి వచ్చాక ప్రాజెక్టులను ముందుకు తీసుకెళ్తున్నామని ఆమె పేర్కొన్నారు.