విజయవాడ లో అనంతపురం విద్యార్థి ఆత్మహత్య, కుటుంబ సభ్యుల ఆందోళన

విజయవాడలోని గన్నవరం కేసరపల్లిలోని ఒక ప్రైవేట్ కళాశాలలో ఇంటర్ విద్యార్థి యశ్వంత్ కుమార్ అనుమానాస్పద స్థితిలో మృతి చెందాడు. అనంతపురం జిల్లా నార్పల మండలం జంగమరెడ్డిపల్లికి చెందిన యశ్వంత్ కుమార్ రాత్రి ఉరేసుకున్నట్లు కళాశాల యాజమాన్యం తెలిపింది. ఈ విషయం తెలిసిన కుటుంబ సభ్యులు కళాశాల వద్దకు చేరుకొని ఆందోళన చేపట్టారు. తమ కుమారుడిని హత్య చేశారని, న్యాయం చేయాల్సిన పోలీసులు యాజమాన్యానికి కొమ్ము కాస్తున్నారని వారు ఆరోపించారు.