శింగనమల: పగలే అక్రమంగా ఇసుక లోడింగ్

శింగనమల మండలంలోని చిలేపల్లి కూతలేరు వంక ప్రాంతంలో శనివారం ఉదయం 10 గంటల సమయంలో ఎక్సక్ వేటర్తో ఇసుకను తోడి టిప్పర్లలో లోడింగ్ చేస్తున్న అక్రమార్కులను కొందరు స్థానికులు ఫోటోలు తీసి సోషల్ మీడియాలో వైరల్ చేశారు. ఈ విషయం తెలుసుకున్న అధికారులు హడావుడిగా ఘటనా స్థలానికి చేరుకున్నారు. అయితే అప్పటికే ఇసుకను తరలిస్తున్న టిప్పర్లు, ఎక్సక్ వేటర్ అక్కడి నుంచి వెళ్లిపోయాయి. అధికారులు ఎలాంటి ఇసుక తరలింపు జరగలేదని నిర్ధారించి వెనుదిరిగారు. ఈ సంఘటన పట్టపగలే ఇసుక అక్రమ రవాణా యథేచ్ఛగా సాగుతోందని తెలియజేస్తోంది.