విశ్వనాధపురం బ్రిడ్జి నిధుల కోసం భిక్షాటన

కడప విశ్వనాధపురం రైల్వే అండర్ బ్రిడ్జి పనులు రెండేళ్లుగా నిలిచిపోవడంతో, దాని పూర్తికి నిధులు కేటాయించాలని డిమాండ్ చేస్తూ సాధన కమిటీ ఆధ్వర్యంలో శనివారం భిక్షాటన చేశారు. ఐకాన్ విల్లా నుంచి ఎర్రముక్కపల్లి వరకు జరిగిన ఈ నిరసనలో, 50 వేల మందికి ఉపయోగపడే ఈ బ్రిడ్జి పనులు వెంటనే చేపట్టాలని కన్వీనర్ రామకృష్ణారెడ్డి ప్రభుత్వాన్ని కోరారు. నిధులు విడుదల చేసి పనులు చేపట్టకుంటే పోరాటాన్ని తీవ్రతరం చేస్తామని హెచ్చరించారు.