అన్నమయ్య జిల్లా ఫుట్‌బాల్ జట్లకు క్రీడాకారిణుల ఎంపిక

అన్నమయ్య జిల్లా ఫుట్‌బాల్ అసోసియేషన్ ఆధ్వర్యంలో మదనపల్లి జిల్లా పరిషత్ ఉన్నత పాఠశాల మైదానంలో శనివారం సబ్ జూనియర్, జూనియర్ బాలికల జిల్లా జట్ల ఎంపిక జరిగింది. రెండు విభాగాల్లో చెరో 25 మందిని జిల్లా క్యాంప్‌కు ఎంపిక చేశారు. ఈ నెల 27 నుంచి జడ్పీ హైస్కూల్‌లో శిక్షణ ప్రారంభం కానుంది. జూలై 2న నంద్యాలలో జరిగే రాష్ట్ర పోటీల్లో జూనియర్ జట్టు పాల్గొంటుంది. ముఖ్య అతిథి పులి నరేంద్ర కుమార్ రెడ్డి క్రీడాకారులకు క్రమశిక్షణతో సాధన చేసి విజయాలు సాధించాలని సూచించారు.