తిరుమల లడ్డూ అంశంపై వైసీపీ పరిహార పూజలు

వైసీపీ అధిష్టానం పిలుపు మేరకు, శనివారం స్థానిక వైసీపీ నాయకులు “తిరుమల లడ్డూపై చంద్రబాబు ఘోర అపచారాలు – పరిహార పూజలు” కార్యక్రమాన్ని నిర్వహించారు. మదనపల్లి నియోజకవర్గ సమన్వయకర్త నిసార్ అహ్మద్ సూచనలతో, మున్సిపల్ చైర్మన్ మనూజారెడ్డి దేవళం వీధిలోని శ్రీ వెంకటేశ్వర స్వామి ఆలయంలో పరిహార పూజలు చేశారు. ఈ కార్యక్రమంలో పట్టణంలోని వైసీపీ కౌన్సిలర్లు, పార్టీ నాయకులు, కార్యకర్తలు, అభిమానులు పాల్గొన్నారు. ఈ చర్య చంద్రబాబు నాయుడుపై వైసీపీ నేతల ఆగ్రహాన్ని తెలియజేస్తుంది.