మైదుకూరు - Mydukuru

తెలంగాణలో మున్సిపల్, ఎంపీటీసీ, జెడ్పీటీసీ ఎన్నికలు ఎప్పుడు జరుగుతాయనే దానిపై రాజకీయ పార్టీలు, అభ్యర్థులు ఆత్రుతగా ఎదురుచూస్తున్నారు. అయితే ఎంపీటీసీ, జెడ్పీటీసీ ఎన్నికల నగారా ఇప్పట్లో మోగే అవకాశం లేదని తెలుస్తోంది. రాష్ట్రంలో ముందుగా మున్సిపల్‌ ఎన్నికల నిర్వహణకు సీఎం రేవంత్ సర్కార్ గ్రీన్ సిగ్నల్ ఇచ్చినట్లు సమాచారం. జనవరి రెండో వారంలో నోటిఫికేషన్ రిలీజ్ చేసి.. ఫిబ్రవరి రెండు లేదా మూడోవారంలో ఎన్నికలు చేపట్టాలని ప్రభుత్వం భావిస్తోంది. ఇదే జరిగితే ఎంపీటీసీ, జెడ్పీటీసీ ఎన్నికలు మరింత ఆలస్యం కానున్నాయి.