బడిబాటతో పిల్లలను బడిలో చేర్పించాలని విజ్ఞప్తి

వైఎస్సార్‌ కడప జిల్లాలోని చాపాడు మండలం ఖాదర్ పల్లి గ్రామంలో గురువారం ఉదయం జిల్లా పరిషత్ ఉర్దూ ఉన్నత పాఠశాల ప్రధానోపాధ్యాయులు కమలనాథ శర్మ ఆధ్వర్యంలో బడిబాట కార్యక్రమం జరిగింది. బడి బయట ఉన్న పిల్లలను పాఠశాలలో చేర్పించాలని ఈ సందర్భంగా కోరారు. ప్రభుత్వం పాఠశాలలకు అన్ని సదుపాయాలు కల్పిస్తూ, పిల్లలకు విలువలతో కూడిన విద్యను అందిస్తోందని తెలియజేశారు. ఈ కార్యక్రమంలో ఉపాధ్యాయులు ఇస్మాయిల్, రామలక్ష్మమ్మ, జమీల్, ఆయేషా, యాస్మిన్, విద్యార్థులు పాల్గొన్నారు.