పీలేరు - Pileru

వృద్ధాప్యంలో ఆర్థిక భద్రత కల్పించేందుకు కేంద్ర ప్రభుత్వం అమలు చేస్తున్న అటల్ పెన్షన్ యోజన (APY)లో 18 నుంచి 40 ఏళ్ల వయసున్న వారు చేరవచ్చని అధికారులు తెలిపారు. ఈ పథకంలో సభ్యులు ఎంచుకునే ఆప్షన్‌ను బట్టి 60 ఏళ్ల తర్వాత నెలకు రూ.1,000 నుంచి గరిష్ఠంగా రూ.5,000 వరకు హామీ పెన్షన్ లభిస్తుంది. చందా మొత్తాన్ని వయసును బట్టి నిర్ణయిస్తారు. లబ్ధిదారుడు మరణిస్తే జీవిత భాగస్వామికి, ఇద్దరూ మరణించిన తర్వాత నామినీకి ప్రయోజనం అందుతుంది. బ్యాంకులో అకౌంట్ ఉన్న ఖాతాదారులు ఈ పథకంలో చేరవచ్చు.