ప్రభుత్వ బీసీ బాలుర కళాశాల వసతి గృహం హాస్టల్ తనిఖీ

పులివెందుల పట్టణంలోని స్థానిక ప్రభుత్వ బీసీ బాలుర కళాశాల వసతి గృహం, సాంఘిక సంక్షేమ ప్రభుత్వ బాలికల వసతి గృహాలను ఎమ్మెల్సీ రాంగోపాల్ రెడ్డి ఆకస్మికంగా ఆదివారం తనిఖీ చేశారు. ఈ సందర్భంగా ఆయన విద్యార్థుల సమస్యలను అడిగి తెలుసుకున్నారు. విద్యార్థులకు మెనూ ప్రకారం పాలు ఇవ్వడం లేదని, సమయానికి భోజనం అందించడం లేదని ఆయన గుర్తించారు. వంటలను స్వయంగా పరిశీలించి వివరాలు తెలుసుకున్నారు.