రూపానంద రెడ్డి చేతుల మీదుగా లేబాకువారిపల్లిలో రోడ్ల నిర్మాణానికి భూమిపూజ

రైల్వే కోడూరు నియోజకవర్గంలో ప్రజలకు మెరుగైన మౌలిక వసతులు కల్పించే లక్ష్యంతో, 48 లక్షల రూపాయల వ్యయంతో నూతన సిమెంట్ రోడ్డు, గ్రావెల్ రోడ్డు నిర్మాణానికి భూమిపూజ జరిగింది. పుల్లంపేట మండలం వత్తలూరు పంచాయతీ పరిధిలోని లేబాకువారిపల్లి గ్రామంలో జరిగిన ఈ కార్యక్రమంలో తెలుగుదేశం పార్టీ ఇంచార్జ్ & కుడా చైర్మన్ ముక్కా రూపానంద రెడ్డి పాల్గొన్నారు. గ్రామీణ ప్రాంతాల అభివృద్ధికి మౌలిక వసతులు అవసరమని, ప్రతి గ్రామానికి అభివృద్ధి బాట వేయాలనే సంకల్పంతో ఈ పనులు చేపట్టినట్లు రూపానంద రెడ్డి తెలిపారు. ఈ రోడ్డు నిర్మాణంతో గ్రామ ప్రజలకు రాకపోకలు సులభమవుతాయని, వర్షాకాలంలో ఇబ్బందులు తగ్గుతాయని ఆయన పేర్కొన్నారు. ఈ కార్యక్రమానికి NDA కూటమి నాయకులు, కార్యకర్తలు, గ్రామస్తులు హాజరయ్యారు.