రాజంపేటలో 50 ఎకరాల ప్రభుత్వ భూమి స్వాధీనం

రాజంపేటలోని శ్రీ రంగరాజపురంలో ఆదివారం రెవెన్యూ అధికారులు ప్రభుత్వ భూములపై జరిగిన ఆక్రమణలను తొలగించారు. ఉన్నతాధికారుల ఆదేశాల మేరకు బినామీ పేర్లతో ఆక్రమించిన సుమారు 50 ఎకరాల భూమిలోని కంచెలను జేసీబీలతో తొలగించి, ఆ భూమి ప్రభుత్వ స్థలమని తెలియజేస్తూ బోర్డులు ఏర్పాటు చేశారు. పోలీసుల భద్రత మధ్య తహసీల్దార్ దస్తగిరి ఈ తొలగింపు ప్రక్రియను పర్యవేక్షించారు. సుమారు 50 ఎకరాల భూమిని ప్రభుత్వ స్థలంగా గుర్తించి, ఆక్రమణలను తొలగించి ప్రభుత్వ ఆధీనంలోకి తీసుకున్నట్లు తహసీల్దార్ వెల్లడించారు.