ఏపీ మంత్రి సత్యకుమార్‌కు బీజేపీ కీలక బాధ్యతలు

ప్రధాని నరేంద్ర మోదీ 25 ఏళ్ల ప్రజాసేవను పురస్కరించుకుని బీజేపీ చేపడుతున్న ‘సేవా సంకల్ప్ అభియాన్’లో ఏపీ మంత్రి సత్యకుమార్ యాదవ్‌కు కీలక బాధ్యతలు అప్పగించినట్లు సమాచారం. సెప్టెంబర్ 17 నుంచి అక్టోబర్ 17 వరకు ఈ కార్యక్రమాలు కొనసాగనున్నాయి. దక్షిణాది రాష్ట్రాల్లో ప్రచారం, సమన్వయ బాధ్యతలను సత్యకుమార్ పర్యవేక్షించనున్నారు. మోదీ నేతృత్వంలోని ఎన్డీయే ప్రభుత్వ అభివృద్ధి, సంక్షేమ కార్యక్రమాలను ప్రజల్లోకి విస్తృతంగా తీసుకెళ్లడమే ఈ అభియాన్ ప్రధాన ఉద్దేశంగా పార్టీ పెద్దలు పేర్కొన్నారు.