పెదకాకానిలో వైఎస్ఆర్ వర్ధంతి వేడుకలు

పొన్నూరు నియోజకవర్గంలోని పెదకాకాని సెంటర్లో బుధవారం మాజీ ముఖ్యమంత్రి స్వర్గీయ డాక్టర్ వైయస్ రాజశేఖర్ రెడ్డి వర్ధంతి సందర్భంగా వైయస్సార్ విగ్రహానికి వైయస్సార్ కాంగ్రెస్ పార్టీ సమన్వయకర్త అంబటి మురళీకృష్ణ పూలమాలలు వేసి నివాళులర్పించారు. ఈ సందర్భంగా ఆయన మాట్లాడుతూ వైఎస్ఆర్ పేదల పెన్నిధి, రైతు బాంధవుడు, జలయజ్ఞ ప్రదాత, వ్యవసాయాన్ని పండుగగా మార్చిన రైతు నేస్తం అని, పేద, బడుగు, బలహీన వర్గాల సంక్షేమం కోసం అహర్నిశలు పరితపించిన మహా నేత అని కొనియాడారు. ఈ కార్యక్రమంలో నాయకులు, కార్యకర్తలు, అభిమానులు పాల్గొన్నారు.