మంత్రి పయ్యావుల కేశవ్‌ను కలిసిన భూమా బ్రహ్మానందరెడ్డి: జిల్లా అభివృద్ధిపై చర్చ

నంద్యాల పట్టణంలోని ఆర్‌అండ్‌బీ గెస్ట్ హౌస్‌లో మంత్రి పయ్యావుల కేశవ్‌ను నంద్యాల మాజీ ఎమ్మెల్యే భూమా బ్రహ్మానందరెడ్డి మర్యాదపూర్వకంగా కలిశారు. ఈ భేటీలో జిల్లా అభివృద్ధి, మౌలిక వసతులు, రహదారుల నిర్మాణం, తాగునీటి సమస్యలు వంటి ప్రజా సమస్యలపై చర్చ జరిగినట్లు సమాచారం. ప్రభుత్వ పథకాలు ప్రజలకు సమర్థవంతంగా అందేలా చర్యలు తీసుకోవాలని మాజీ ఎమ్మెల్యే కోరారు. నంద్యాల జిల్లా అభివృద్ధికి ప్రభుత్వం ప్రాధాన్యం ఇస్తుందని, ప్రజల సమస్యల పరిష్కారానికి చర్యలు తీసుకుంటామని మంత్రి హామీ ఇచ్చినట్లు తెలుస్తోంది.