ఫ్యాట్‌ఫోబియా అంటే ఏంటో తెలుసా?

నేటి సోషల్ మీడియా యుగంలో చాలామంది తమ శరీరాన్ని ప్రేమించుకోలేకపోతున్నారు. సమాజం నిర్ణయించిన ‘పర్ఫెక్ట్ బాడీ’ ప్రమాణాలకు సరిపోలలేక తమను తాము తక్కువగా భావిస్తున్నారు. శరీర పరిమాణం ఆధారంగా వ్యక్తిని అంచనా వేయడాన్ని ఫ్యాట్‌ఫోబియా అంటారు. ఇది కేవలం విమర్శ కాదు, ఆత్మగౌరవాన్ని దెబ్బతీసే సామాజిక వివక్ష. లావుగా ఉన్నవారు అనారోగ్యవంతులనే భావన అపోహ మాత్రమే. ప్రతి శరీరం ప్రత్యేకమే. ఆరోగ్యం ముఖ్యం కానీ స్వీయద్వేషం కాదు. మన శరీరాన్ని గౌరవించడం, మనల్ని మనం ప్రేమించుకోవడమే నిజమైన అందం అని నిపుణులు చెప్తున్నారు.