అక్రమ చొరబాటుదారులపై కేంద్రం ఉక్కుపాదం.. అమిత్ షా కీలక సమావేశం

దేశ భద్రతకు ముప్పుగా మారిన అక్రమ చొరబాటుదారులను ఏరిపారేయడానికి కేంద్ర ప్రభుత్వం సంచలనాత్మక నిర్ణయం తీసుకుంది. ఈ లక్ష్యంతో కేంద్ర హోంమంత్రి అమిత్ షా దేశవ్యాప్త భారీ ప్రచారానికి శ్రీకారం చుట్టనున్నారు. జూలై 9న దేశంలోని అన్ని రాష్ట్రాల పోలీస్ ఉన్నతాధికారులతో హోంమంత్రి అత్యున్నత స్థాయి సమావేశం నిర్వహించనున్నారు. ఈ ప్రతిష్టాత్మక ఆపరేషన్ కోసం దేశంలోని అగ్రగామి నిఘా, దర్యాప్తు సంస్థలన్నీ ఒకే తాటిపైకి రానున్నాయి. అక్రమ వలసదారులను గుర్తించడం, వారిని దేశం దాటించడం, నకిలీ పత్రాల నెట్‌వర్క్‌లను ధ్వంసం చేయడం, అక్రమార్కుల ఆస్తులను జప్తు చేయడం వంటి కీలక చర్యలు చేపట్టనున్నారు.