చంద్రగిరి: శ్రీపద్మావతి అమ్మవారికి జత కర్ణపత్రముల బహుకరణ

తిరుచానూరు శ్రీ పద్మావతి అమ్మవారికి హైదరాబాద్‌కు చెందిన కె. దీపక్ అనే భక్తుడు గురువారం ఉదయం 178 గ్రాముల బరువున్న బంగారు, రాళ్లతో పొదిగిన కర్ణపత్రముల జతను బహుకరించారు. సుమారు రూ. 23 లక్షల విలువైన ఈ ఆభరణాలను టిటిడి అధికారులకు దాత అందజేశారు. అమ్మవారి దర్శనం అనంతరం టిటిడి అధికారులు దాతకు తీర్థప్రసాదాలు అందించారు. ఈ కార్యక్రమంలో టిటిడి డిప్యూటీ ఈవో హరీంద్రనాథ్, ఆలయ అర్చకులు బాబు స్వామి, సూపరింటెండెంట్ సురేష్, ఏవీఎస్వో రాధాకృష్ణ, టెంపుల్ ఇన్‌స్పెక్టర్లు చలపతి, ప్రసాద్ తదితరులు పాల్గొన్నారు.