నిండ్ర మండలంలో భూమి పూజలో పాల్గొన్న ఎమ్మెల్యే

నగరి నియోజకవర్గం, నిండ్ర మండల కేంద్రంలో రూ. 50 లక్షల అంచనా వ్యయంతో నిర్మించనున్న నిండ్ర పి.హెచ్.సి.లో బ్లాక్ పబ్లిక్ హెల్త్ యూనిట్ (ఆసుపత్రి ల్యాబ్) కు శనివారం భూమి పూజ నిర్వహించారు. ఈ కార్యక్రమానికి ముఖ్య అతిథిగా ఎమ్మెల్యే గాలి భాను ప్రకాష్ హాజరయ్యారు. కూటమి ప్రభుత్వంలో నగరి నియోజకవర్గంలో అభివృద్ధి జరుగుతుందని, సీఎం చంద్రబాబు నాయుడు ప్రజలకు అవసరమైన సౌకర్యాలను సకాలంలో కల్పిస్తున్నారని ఆయన తెలిపారు.