రేణిగుంట నుంచి వాహనాల మళ్లింపు

ఒంటిమిట్టలో శ్రీరామ నవమి సందర్భంగా రాములవారి కళ్యాణం నేడు జరగనుంది. ఈ నేపథ్యంలో, పోలీసులు ట్రాఫిక్ ఆంక్షలు విధించారు. బుధవారం ఉదయం 9 గంటల నుంచి గురువారం ఉదయం వరకు భారీ వాహనాలను దారి మళ్లించారు. రేణిగుంట నుంచి కడప వైపు వెళ్లే భారీ వాహనాలు భాకరాపేట, పీలేరు, రాయచోటి మీదుగా వెళ్లాలని సూచించారు. ట్రాఫిక్ అంతరాయం లేకుండా సహకరించాలని రేణిగుంట డీఎస్పీ శ్రీనివాసరావు కోరారు.