రేణిగుంటలో ఖేత్ బచావో అభియాన్: ఆధునిక సాగుపై రైతులకు అవగాహన

రేణిగుంటలోని కారకంబాడి ఆర్బీకే పరిధిలో ఎస్.వి. వ్యవసాయ కళాశాల ఆధ్వర్యంలో "ఖేత్ బచావో అభియాన్" అవగాహన కార్యక్రమం శుక్రవారం, 12 జూన్ 2026 న నిర్వహించారు. ఈ సందర్భంగా వ్యవసాయ శాస్త్రవేత్తలు రైతులు నేల పరీక్షల ఆధారంగా సమతుల్య ఎరువులు వాడాలని, రసాయనాలు తగ్గించి జీవ నియంత్రణ పద్ధతుల ద్వారా పంట తెగుళ్లను నివారించాలని సూచించారు. మారుతున్న వాతావరణ పరిస్థితులకు అనుగుణంగా నీటి పొదుపు పద్ధతులు, వర్షపు నీటి సంరక్షణ మరియు ప్రతికూలతలను తట్టుకునే యాజమాన్య విధానాలను పాటించి తక్కువ ఖర్చుతో మెరుగైన దిగుబడులు సాధించవచ్చని వివరించారు. ఈ కార్యక్రమంలో వ్యవసాయ అధికారులు, ఏఈఎల్పీ విద్యార్థులు మరియు స్థానిక రైతులు పాల్గొన్నారు.