తిరుపతిలో ముస్లిం దంపతులు హిందూ మతం స్వీకారం

తిరుపతికి చెందిన అబ్దుల్లా, అమ్మిన్నా అనే ముస్లిం దంపతులు గురువారం స్వచ్ఛందంగా హిందూ మతాన్ని స్వీకరించారు. టీటీడీ మాజీ ఛైర్మన్ భూమన కరుణాకర రెడ్డి ఆధ్వర్యంలో పద్మావతిపురంలోని ఆయన నివాసంలో ప్రత్యేక పూజలు, వేద మంత్రోచ్చారణల మధ్య ఈ మత స్వీకార కార్యక్రమం జరిగింది. ఈ సందర్భంగా దంపతులతో గోవింద నామస్మరణ చేయించారు. ఈ ఘటన స్థానికంగా చర్చనీయాంశమైంది.