తిరుపతి: ఘనంగా ముత్యాల తలంబ్రాల ఊరేగింపు

తిరుపతి శ్రీ కోదండరామాలయంలో శనివారం శ్రీ సీతారాముల కల్యాణాన్ని పురస్కరించుకుని ముత్యాల తలంబ్రాల ఊరేగింపు వైభవంగా జరిగింది. టిటిడి అధికారులు ఖజానా విభాగంలో ముత్యాలకు ప్రత్యేక పూజలు నిర్వహించి, అనంతరం వాటిని ఊరేగింపుగా ప్రధాన అర్చకులకు అందించారు. అంబారీపై తీసుకెళ్లిన ఈ ఊరేగింపు తీర్థకట్టవీధి, గాంధీరోడ్డు, శ్రీగోవిందరాజస్వామివారి ఆలయ దక్షిణ మాడ వీధి, బజారు వీధి గుండా ఆలయానికి చేరుకుంది.