చంద్రగిరిలో ఘనంగా పోలీస్ అమరవీరుల సంస్మరణ వారోత్సవాలు

చంద్రగిరి పట్టణంలో శుక్రవారం పోలీస్ అమరవీరుల సంస్మరణ వారోత్సవాలు ఘనంగా జరిగాయి. సీఐ సురేష్ నేతృత్వంలో పోలీసులు, విద్యార్థులు నాగాలమ్మ ఆలయం కూడలి నుంచి టవర్ క్లాక్ వరకు భారీ ఫ్లాగ్ మార్చ్ నిర్వహించారు. ఈ సందర్భంగా సీఐ సురేష్ మాట్లాడుతూ, పోలీస్ ఉద్యోగం దేశ సేవ అని, అమరవీరుల త్యాగం వల్లే సమాజం సురక్షితంగా ఉందని, వారి కుటుంబాల త్యాగం కూడా చిరస్మరణీయమని అన్నారు. అనంతరం పోలీసులు అమరవీరుల చిత్రపటాలకు నివాళులర్పించారు.