కుప్పం: ఎయిర్పోర్టు భూసేకరణపై రైతులతో సమావేశం

కుప్పం గ్రీన్ ఫీల్డ్ ఎయిర్ పోర్టు భూసేకరణకు సంబంధించి, జిల్లా జాయింట్ కలెక్టర్ ఆదర్శ్ రాజేంద్రన్ బుధవారం శాంతిపురం మండలం, దండికుప్పం గ్రామంలో రైతులతో సమావేశమయ్యారు. భూములకు గతంలో నిర్ణయించిన ధర కంటే అదనపు పరిహారం అందించాలని రైతులు కోరగా, ఈ విషయాన్ని ప్రభుత్వ దృష్టికి తీసుకెళ్లి చర్చిస్తామని, రైతులకు ఎలాంటి నష్టం జరగకుండా చర్యలు తీసుకుంటామని జాయింట్ కలెక్టర్ హామీ ఇచ్చారు. ఈ కార్యక్రమంలో కుప్పం ఆర్డీవో, తహసీల్దార్ తదితర అధికారులు పాల్గొన్నారు.