నగరిలో సురక్షిత త్రిచక్ర కార్యక్రమం

శనివారం నగరి పట్టణంలో 'సురక్షిత త్రిచక్ర' అనే వినూత్న కార్యక్రమాన్ని జిల్లా ఎస్పీ తుషార్ డూడి, నగరి ఎమ్మెల్యే గాలి భాను ప్రకాష్, ఏఎస్పి డాక్టర్ తరుణ్ పహ్వా సంయుక్తంగా ప్రారంభించారు. ఈ కార్యక్రమంలో భాగంగా జిల్లాలోని ఆటోరిక్షాలకు ప్రత్యేక పోలీసు గుర్తింపు సంఖ్య, క్యూఆర్ కోడ్ కలిగిన స్టిక్కర్లను అతికించారు. ఈ కోడ్‌ను స్కాన్ చేయడం ద్వారా వాహనానికి సంబంధించిన వివరాలు, ఇతర అవసరమైన సమాచారం లభిస్తుంది.