మే డే ను జయప్రదం చేయండి

శ్రీకాళహస్తిలో సిపిఎం పార్టీ కార్యాలయం వద్ద కార్మికుల స్ఫూర్తి దినం మే డేను జయప్రదం చేయాలని సీఐటీయూ జిల్లా ఉపాధ్యక్షులు అంగేరి పుల్లయ్య పిలుపునిచ్చారు. స్థానిక పుచ్చలపల్లి సుందరయ్య భవన్‌లో సోమవారం జరిగిన సమీక్షా సమావేశంలో ఆయన మాట్లాడుతూ, చికాగో కార్మికుల త్యాగాల ఫలితంగా 8 గంటల పని విధానాన్ని సాధించుకున్నామని, అయితే నేడు కేంద్రంలోని మోడీ ప్రభుత్వం కార్పొరేట్లకు మేలు చేసేలా 13 గంటల పని విధానానికి గ్రీన్ సిగ్నల్ ఇచ్చిందని ఆవేదన వ్యక్తం చేశారు. కార్మిక ఉద్యమం తప్పదని స్పష్టం చేశారు. ఈ కార్యక్రమంలో కామేష్, వెంకటేష్, గురవయ్య పాల్గొన్నారు.