స్విమ్స్ కార్మికుల ఆందోళన 62వ రోజుకు, డైరెక్టర్ కార్యాలయం ముట్టడి

తిరుపతిలోని స్విమ్స్ ఆసుపత్రిలో పెండింగ్ వేతనాలు, హోదా సమస్యల పరిష్కారం కోరుతూ కార్మికుల నిరసన 62వ రోజుకు చేరింది. గురువారం డైరెక్టర్ కార్యాలయాన్ని ముట్టడించి భారీ ధర్నా నిర్వహించారు. సిఐటియు నేత కందారపు మురళి నేతృత్వంలో జరిగిన ఈ ఆందోళనలో పోలీసులతో వాగ్వివాదం చోటుచేసుకుంది. టీటీడీ యాజమాన్యం తక్షణమే స్పందించి సమస్యలు పరిష్కరించకపోతే ఆమరణ నిరాహార దీక్షకు దిగుతామని యూనియన్ నేతలు హెచ్చరించారు.