టిడిపి నాయకుడు గాంధీనాయుడు మృతి బాధాకరం

శ్రీకాళహస్తి నియోజకవర్గంలోని తొట్టంబేడు మండలం శివనాధపాలెం గ్రామానికి చెందిన గాంధీనాయుడు రాత్రి నిద్రపోతూ తెల్లవారుజామున మృతి చెందారు. ఆయన కుమార్తె నిద్రలేపినా స్పందించకపోవడంతో చుట్టుపక్కల వారు వచ్చి చూడగా అప్పటికే ప్రాణాలు కోల్పోయినట్లు తెలిపారు. ఈ విషయం తెలుసుకున్న తెలుగుదేశం పార్టీ మాజీ మండల అధ్యక్షుడు గాలి మురళినాయుడు గాంధీనాయుడు భౌతికకాయానికి పూలమాలలు వేసి నివాళులర్పించారు. ఈ సందర్భంగా ఆయన కుమారుడు ధనశేఖర్‌ను ఓదార్చి, మనోధైర్యంతో ముందుకు సాగాలని సూచించారు.