తిరుమలలో వైభవంగా శ్రీవారి త్రైమాసిక మెట్లోత్సవ సంబరాలు

తిరుమల శ్రీవారి త్రైమాసిక మెట్లోత్సవంలో భాగంగా, గురువారం తిరుమలలోని ఆస్థాన మండపంలో టీటీడీ దాస సాహిత్య ప్రాజెక్టు ఆధ్వర్యంలో ధార్మిక, సాంస్కృతిక కార్యక్రమాలు జరిగాయి. ఈ సందర్భంగా ప్రత్యేక అధికారి ఆనంద తీర్థాచార్యులు స్వామివారి వైభవం, మెట్లోత్సవం విశిష్టతను వివరించారు. నామ సంకీర్తన, సామూహిక భజన, హరిదాసుల ఉపదేశాలు, సంగీత విభావరి వంటి కార్యక్రమాలు నిర్వహించారు. ఆంధ్ర, తమిళనాడు, కర్ణాటక రాష్ట్రాల నుండి భక్తులు అధిక సంఖ్యలో పాల్గొన్నారు.