తిరుపతి: ధ్రువపత్రాలు ఇవ్వలేదని చంటిబిడ్డతో నిరసన

మంగళం- కరకంబాడి రోడ్డులోని ప్రైవేటు ఇంజినీరింగ్ కళాశాల పూర్వవిద్యార్థిని తేజశ్రీ, తన కుటుంబ సభ్యులు, విద్యార్థి నేతలతో కలిసి బుధవారం ధ్రువపత్రాలు ఇవ్వనందుకు నిరసన వ్యక్తం చేశారు. 2011-15 బ్యాచ్ విద్యార్థిని అయిన తేజశ్రీ కోర్సు మధ్యలో వదిలేశారు. కళాశాల యాజమాన్యం ధ్రువపత్రాలు ఇవ్వడానికి నిరాకరించడంతో, ఏపీ విద్యార్థి ఐకాస జోక్యం చేసుకుని, యాజమాన్యంతో మాట్లాడి ధ్రువపత్రాలు ఇప్పించింది. అనంతరం కళాశాల యాజమాన్యం ఆమె కళాశాలకు ఎటువంటి బకాయి పడలేదని పేర్కొంది.